THIRRJE PER DRAMATURGET
Në kuadër të një projekti Ndërkombëtar organizuar nga Konventa Europiane e Teatrove, ETC (European Theatre Convention), Teatri Kombëtar fton të gjithë dramaturgët të paraqesin duke filluar nga dita e sotme deri më 15 Janar 2021, një koncept ide mbi nje dramë e cila trajton problemin e ndotjes prej mbetjeve të naftës në vendin tonë.
Ndotja prej mbetjeve të naftës në vendet europiane është një temë ndërkombëtare e cila na prek të gjithëve. Ky projekt ka si qëllim realizimin e pesë ose më shumë shfaqjeve të realizuara në mënyrë të pavarur në teatrot e tyre . Pas një përzgjedhje të veprave nga bordi i dramave i ETC-së, projektet e përfshira do të japin shfaqje si të ftuar në festivalin Graz International dramaturg, në 2022.Gjithashtu do të shihet mundësia e botimit të pjesëve në anglisht dhe shpërndarja e tyre në shtëpitë botuese në Gjermani.ETC-ja do të mbështes financiarisht më një shumë prej 2000 euro, projektet fituese për shkrimin e dramës dhe përkthimin në anglisht.
Teatri Kombëtar i bën thirrje të gjithë dramaturgëve që duan te marrin pjesë në këtë konkurim të dërgojnë me e-mail në adresën zyrtare: info@teatrikombetar.gov.al
Një koncept ide ku paraqitet qartë historia e gjithë veprës.(jo analizë dhe jo më e gjatë se një faqe format A4)Drama mund të jetë monodramë ose me shumë personazhe dhe duhet të jetë në shqip dhe në anglisht.
Biografia e autorit në shqip dhe në anglisht(edhe nëse është autor i ri dhe kjo është vepra e tij e parë nuk përbën asnjë problem.)
Vepra mund të jetë e re ose e vjetër( edhe nëse ështe vensdosur më parë në skenë nuk ka rëndësi, mjafton që të jetë me tematikën e sipër përmendur.)
Mirëpresim propozimet tuaja!