Biografi

Arben Derhemi diplomua në Akademinë e Arteve të Bukura (sot: Univesiteti i Arteve) në vitin 1994. Në vitin 2007 u specializua për “Kurimin dhe Menaxhimin Teatror të Qyteteve Antike” në Ancona, Itali. Ende student, ai fillon karrierën si aktor në filmin “Një djalë dhe një vajzë” (Fatosi) të I. Muço dhe K. Mitro si edhe në filmin “Këtu bën ftohtë” (Petro) nga Pluton Vasi. Kulmi i suksesit në kinematografi konsiderohet seriali televiziv “Njerëz dhe Fate” (Flori) nga Y. Pepo. Nga viti 2000 e në vazhdim ka marrë pjesë në filmat “Ishte Koha për Dashuri” (Flori) të Y. Pepo, “Shqetësimet e një obezi” (Dashnori) P. Vasi, seriali televiziv “Familjet” (Toni) të S. Racaj, “Home Sweet Home” (Genci), V. Bajgora, “Maya” (Burhami) P. Vasi dhe Matanë Lumit (djali) S. Kanaqi. Në Teatrin Kombëtar dhe në Akademinë e Arteve tëBukura (sot: Univesiteti i Arteve), interpreton vazhdimisht role në kryevepra si : “Shtrëngata” (Stefano) të Sheksiprit “Kalorësit” (Agorakritos) të Aristofanit, “Kohë e Çmendur” (Djali) të Ruzhdi Pulahës, “Mbretëresha e Bukur” (Rei Duli) nga Babis Cikrilopulos, “6 Vjet Shtatzënë” (Bebja) nga Babis Cikrilopulos, “Pentekost” (Ministri i Kthimit në Identitet) të D. Edgar, “Mashtruesi i grave” (Vasily Ivanovic), “Llotaria e Humbur” (Frensis), “Kërcuri” (Todo) nga Pëllumb Kulla, “Kopraci” (Kleanti) nga Molier, “Opera për tre grosh” (Rrëfimtari), nga Brecht, “Hijet e Natës” (Haliti) nga Vedat Kokona , “Hipokritët” (Aristidhi), “Babai” (djali i shtëpisë), nga Ruzhdi Pulaha, “Ne të gjithë këndonim Margaritën” (Petro Fotografi) nga Bashkim Hoxha, “Trojanët” (Menelau) nga Euripidi, “Poshtëpërjetat e Dashurisë” (Meki Thika) nga Brecht, “Filumena Marturano” (Roberto) nga Eduardo De Filippo, “Menaxheria e Qelqtë” (Tommy) nga Tennesy Williams, “Forca e Zakonit” (Zbutësi i kafshëve) nga Thomas Bernhard, “Riverside Drive” (Jim Swain) Woody Allen, “Henri i VI” William Shakespeare,”Johan Padan dhe Amerikat” Dario Fo.